منتديات الدولار العربى - فودافون كاش تقضى على خدمة البريد المصرى فى تحويل الاموال

بعد مهازل البريد المصرى فى تحويل الاموال
من ضايع الوقت بالساعات وتحصيل رسم 2% من الاموال المحوله من والى الافراد
يعنى مثلا تحول 3000 جنيه بالبريد المصرى يتم خصم 61 جنيه من اموالك
كل ذلك انتهى عن طريق فودافون كاش
تحول 10 جنيه تستلم وتسحب 10 جنيه
تحول الف جنيه تستلم وتسحب الف جنيه

ايه هي خدمة فودافون كاش؟

لأول مرة في مصر, فودافون بالتعاون مع بنك التعمير و الإسكان بتقدملك خدمة "فودافون كاش" أسهل، وأسرع وأضمن طريقة تبعت و تستقبل بيها فلوس من موبايلك من أي مكان في مصر و في أي وقت و لأي نمرة فودافون.

ازاي اشترك في الخدمة ؟

زور أي فرع من فروع فودافون المنتشرة فى كل مكان بمصر واشترك ببلاش بالرقم القومي و رقم موبايلك

وبعد متشترك هيجيلك رسالة برقم سري مؤقت "مكون من ٤ أرقام" يجب تغييره والحفاظ عليه

إدخل الكاش في حسابك

اطلب #7000* و ابعت الكاش لأي رقم فودافون

صاحب الرقم يروح يستلم فلوسه من أي فرع فودافون أو أي مكان عليه علامة فودافون كاش

ازاي أفعل الخدمة؟

اول ماتشترك حيجيلك رسالة فيه رقم سرى مؤقت مكون من اربع ارقام. اطلب *7000*2# عشان تغير الكود السرى وتفعل الخدمة بنجاح. برجاء الحفاظ على الكود الجديد وعدم الافصاح عنه لأى شخص.

http://www12.0zz0.com/2014/05/07/09/671307341.jpg

ازاي اودع فلوس فى حساب فودافون كاش؟

زور أقرب فرع واودع الفلوس. حيجيلك رسالة تأكيد بايداع الفلوس بعد نجاح العملية

ازاي أبعت الكاش؟

من اى مكان وفى اى وقت اطلب الكود #7000* او الخدمة الصوتية 7000 من تليفونك لتحويل المبلغ لاى رقم فودافون واتبع الخطوات الاتية:
1-اختار اللغة: رقم 1 للعربي او 2 للانجليزي.

2-اختار "تحويل الاموال" بإدخال الرقم 1

3-اضغط الرقم 1 لادخال رقم موبايل المرسل اليه

4-ادخل رقم موبايل المرسل اليه المكون من 11 رقم

5-اضغط الرقم 1 لتأكيد الرقم

6-ادخل المبلغ اللى عايز تبعته

7-اكد على العملية بإدخال الرقم السرى الخاص بك (4 ارقام)

هتوصلك رسالة قصيرة لتأكيد العملية. و رسالة تانية حتوصل للمرسل اليه

http://www12.0zz0.com/2014/05/07/09/223797411.jpg

استلام الكاش

تقدر تسحب المبلغ كله أو جزء منه حسب رغبتك من أى فرع فودافون. وحتى لو مش مشترك فى الخدمة سوف يقوم موظف الفرع بإجراءات الاشتراك اولا ببلاش وتقدر بعديها تستلم الكاش

هتجيلك رسالة لادخال رقمك السرى لتأكيد العملية. لو مسحت الرسالة بالغلط من غير ما تدخل رقمك السرى, تقدر دايما ترجعها بالاتصال بالكود #1*7000*

(هتوصلك رسالة قصيرة لتأكيد عملية السحب)

http://www12.0zz0.com/2014/05/07/09/108715769.jpg