ازاى تبدا فوركس
 

السلام عليكم ورحمة اللة وبركاتة
كتير بنلاقى ناس تسال عن البداية ودة مش عيب بالعكس كويس جدا ان اخدت القرار
المهم ان يكون عندك طموح ورغبة فى النجاح وتصميم اكيد على تحقيقة

المهم دلوقتى البداية ازاى نبدا وتكون البداية صح
كلامى طبعا مش الزامى ولكنة راى ووجهة نظر
اهم حاجة التعلم الجيد وجمع المعلومات عن الفوركس

معنى الفوركس وفكرتة والهدف منة وشكل منصة التداول واية هو الشارت والشموع والدعوم والمقاومات
استوب لوس واخذ الرباح السبريد المارجن ازاى بيتم حساب قيمة اللوت والهمامش المرهون عند الشركة
وغيرها كتير من المصطلحات اللى هتقابلك فى بداية مشوارك فى الفوركس

الحاجات دى كلها واكتر هتلاقيها فى امكان وفى كل مكان فى الانترنت
حضرتك ممكن تدخل على جوجل او اليوتيوب وتكتب تعلم بدايات الفوركس وهتلاقى كل الشروحات بالفصيل سواء المكتوبة او الفيديو وانا شخصيا افضل الفيديو
شوف براحتك وبتركيز شديد وحاول تستوعب ولا تستعجل التعلم وتاكد ان التعليم ملوش نهاية وتفضل تتعلم طول العمر
فبلاش استعجال وتسرع لدخول السوق

بعد كدة ادخل تانى بنفس الطريقة واكتب شرح التداول فى الفوركس بطرقة عملية على منصة التداول
وتشوف بقى المصطلحات اللى شوفتها قبل كدة والتعليم السابق ازاى يتم تطبيقة عملى على المنصة
وازاى تعرف تشتغل بنفسك

هنا بقى ممكن تبدا فى الفوركس لكن بحساب ديمو اى حساب تجريبى ودة متوفر تقريبا فى كل شركات الوساطة المالية
وتشوف الفيديو والشرح بتركيز وتحاول تطبق بنفسك على الحساب التجريبى
بالمناسبة الحساب التجريبى هو محاكاة للواقعى والحقيقى تماما لكن بدون مكاسب او خساير حقيقية عليك

جربت على الحساب التجريبى وشوفت النتيجة بنفسك على شغلك انت
شوف فية لو فية ارباح حققتها حاول تراجع مع نفسك لية كسبت لانى التزمت بكذا وكذا زى الفيديو ركز فى دى كويس
كمان لو فية خسائر لا تخاف لانها غير فعلية مجرد ارقام انت لسة ما تاجرت بفلوسك لكن بردة تراجع اية سبب الخسارة
واكتب ملاحظات لنفسك على ادائك ودى هتكوم مرجع لك فى المستقبل

لما تحس بقى انك جاهز نفسيا ومعلوماتيا للبداية
ابدا بحساب حقيقى واحرص على تنفيذ كل اللى تعلمتة سابقا وعينك دايما على ملاحظاتك
واسف على الاطالة وربنا يوفق الجميع

رد: ازاى تبدا فوركس
 

الخطوة الاولي والاهم قبل البدء في تجارة الفوركس وهي خطوة تعليمية بالطبع وتكون في اطار تعلم اسس وقواعد ادارة رأس المال بالشكل الصحيح لان الاغلب يهمل هذه الخطوة ويدخل مباشرة الي الخطوة التي تليها وهي تعلم التحليل الفني مباشرة والتطبيق علي الحساب التجريبي قبل تعلم قواعد ادارة الحساب وهذا امر خاطئ في اعتقادي الشخصي